مصر ليها رب حاميها ….

مصر ليها رب حاميها ….

مصر ليها رب حاميها
من لصوصها ومن حراميها
من اللى عايش فيها عاله
يسب ويغلط دايما فيها ……….

من اللى بيخرب ويقتل
من اللى تحتاجه بيخزل
ناس ولما تشوفها تزعل
انك ليك علاقه بيها ………….

مصر ليها رب حاميها

من اللى مش امين فى شغله
من اللى مالوش خير فى اهله
من اللى عامل بلطجى
والحرام والسرقه شغله …………..

من اللى عامل فيها فاهم
واللى فى قعدة وحشه ساهم
واللى قال انا معاهم
دول اللى فاكرينها سهله ……………

مصر ليها رب حاميها

من اللى خان الامانه
ومن وحوش عايشين معانا
ياخدوا خيرها ويسرقوها
دى قلوب دايما تعبانه ً…………………

من اللى عاش بياع كلام
واللى مابطل اتهام
ده شخص واطى ومش تمام
والغلط فى بقه لبانه …………………..

مصر ليها رب حاميها

من اللى عاش على ارضها
ياكل وينهش عرضها
مطمرش فيه حضنها
لما اتوجع كان مرمى فيه ……………….

من اللى ناكر فضلها
من اللى رافض اصلها
واللى يعيش بيأذى غيره
ده ماحدش بيلوم عليه …………….

محروسه يامصر دايما

تحياتى محمد تريكه تريكه

مصر ليها رب حاميها