جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
مش تيتانيك
شعر / رجب أبو الحسن
اسمحي لي رغم ان الوقت فعلا
مش مناسب
موجة صاعدة
و موجة باعدة
و جو غاضب
إنما التعبير
بيفرض نفسه فرض
عشقي جوايا مراكب
كنت أظن
باه على العشق اللي جن
جاية بعد سنين عذاب
و الغرام دوب و داب
جوه مني
افنكرتي عجز سني
و شعري شايب؟
أما فعلا قلب خايب
جاية بعد المستحيل
و تلال و شيلة
كنت متنيل بنيلة
و أكتبك أبيات جميلة
أرسمك رغم السأم
لوحة و نغم
و البعيد بطلع أصم !
كنت جاي على نفسي جدا
كنت هايم بيك نعم
كنت ألم
و كنت إرمم فبك و أتم
و كنت أضم
البعيد يطلع صنم
جاية عد ما عمري فر
عقد حباته تكر
جاية دلوقتي تشوفيني
إني عابر للطريق
تطرحيني في البوار
و تطرحي موت الثمار
و تطرحيني من الحوار
بتطرحي فكرة صديق ؟
و كنت غواص في الغميق
كنت طفاية حريقك؟
البراح يخنق ف ضيقك ؟
مش عشيقك
عشقي أكبر من مضيفك
إنما مش تيتانيك
و مش هتقري في المواقع
مركبي الصادق هلك
