جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
مشتاق؟
رجب أبو الحسن
مشتاق؟
بتحول سايل م الشوق
الشوق غلاب
لو يعني ف مرة تحن وأدوق
إن شالله لعاب
مشتاق؟
مشتاق جدا وبثور وبهيج
أتصبر كيف والأشواق
أحلف صهاريج
والله حاولت
وسلكت حواري الإلهاء
و حلفت حجيج
يدعوا لي ف وقفة عرفات
يرحمني الشوق
و دكتور نفساني و جلسات
وصدمات أتكهرب وأفوق
ولا فايدة ف دعوة ولا طب
الحب أتمكن و الداء
موصوف: مشتاق
مش طالب ضمة و كسر عضام
ولا طالب أكون ضل ملازمك
ولا طامح إني أكون ف مقام
صفحة ف كشاكيلك و ملازمك
ولا عايز أكون مشهور جدا
ومتشعبط اسمي ف ديل اسمك
أنا عايز أشم العطر ان شالله طشاش
يا هروح ببلاش
أو أبص بعين وتبصي لي
إن شالله ولاش
أو إذن أحبك
مش لازم إقرار مكتوب
كفاية عليا بنظرة عين
أسمعها و أدوب
