د/عمر عبد الجواد عبد العزيز
في قلب محكمة الأسرة ..
قلوب من الحزن منكسرة
لا لاقية صدر حنون
ولا بيت ليها يصون
و هتموت م الحسرة
في قلب محكمة الأسرة
نامي يا بنتي و ارتاحي
زودتي همي و جراحي
نستيني كل أفراحي
ربك خلق مع العسر يسرا
في قلب محكمة الأسرة
أمك و أبوكي ف معركة
جابوكي و رموكي ف تهلكه
بين السندان و مطرقة
و منتظرة لمين النصرة ؟
في قلب محكمة الأسرة
الحياة علي الكل صعبة
و الزواج مش حب و مداعبة
دا مسؤولية و رب الكعبة
محتاجة قبل الزواج نظرة
في قلب محكمة الأسرة
الكل لازم يبقي فاهم
الحياة مشاركة و تفاهم
الأم و الأب فيها يساهم
ولا أطفال مصيرها
بين العصا و الجزرة
في قلب محكمة الأسرة