جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
محامى المجرم الجنسي جيفرى إبستين يهدد باسم يوسف على الهواء .. إيه الحكاية؟
كتب/ أيمن بحر
تحولت حلقة بيرس مورجان اللي كان ضيوفها باسم يوسف ومحامى المجرم الجنسى صاحب اكبر نشاط فى تجارة القاصرات والدعارة الجنسية في التاريخ جيفرى ابستين الي مواجهة نارية بين باسم والمحامي وانتهت بتهديدات ساخنة من المحامي لباسم يوسف .
القصة بدأت لما الإعلامي البريطانى بيرس مورغان جمع فى حلقة واحدة بين باسم يوسف والمحامى الأمريكي آلان ديرشوفيتز… وهو نفسه المحامى اللي دافع قبل كده عن جيفري إبستين، الاسم اللي ارتبط بواحدة من أخطر قضايا الجرائم الجنسية في أمريكا.
الحلقة كانت المفروض تناقش الانتهاكات المرتبطة بقضية إبستين… لكن فجأة الحوار اتحول لمواجهة شخصية ساخنة جدًا.
باسم يوسف وجّه اتهام مباشر لديرشوفيتز قدام الكاميرات وقال له بالنص إن فى سيدتين اتهموه وإنه تم دفع مليون دولار فى تسوية، وأضاف جملة جننت محامى ابستين الرجال الأبرياء لا يدفعون.
الجملة دى كانت كفيلة تقلب الأستوديو رأسًا على عقب.
ديرشوفيتز رد بعصبية واضحة ونفى الاتهامات بشكل قاطع وقال إنه ما دفعش ولا سنت واحد واتهم باسم يوسف بتشويه سمعته قدام العالم وهدده بشكل صريح إنه هيرفع عليه دعوى قضائية بتهمة التشهير.
المشهد كله كان مشحون… نظرات متحدية، مقاطعات، وصوت بيعلى قدام ملايين المشاهدين. كل طرف متمسك بموقفه، وكل كلمة محسوبة وممكن تبقى ورقة فى قضية قانونية بعد كده.
المعروف إن ديرشوفيتز أستاذ قانون بارز في أمريكا،
ودايمًا بيأكد إنه دوره في قضية جيفري ابستين أنه كان محامي بيدافع عن حق موكله في محاكمة عادلة، مش شريك في أي جرائم. لكنه في نفس الوقت واجه اتهامات سابقة في القضية
اللي واضح إن الحلقة دي مش هتعدي مرور الكرام… والكلام اللي اتقال قدام الكاميرات ممكن يبقى له تمن قانونى كبير.
في اعتقادك هل باسم يوسف ممكن يدفع ثمن للي قاله ؟
