متنسانيش

مرّة كنت ماشي جنب مني.

قلت أروح أقعد شوية

وأرمي على نفسي السلام والتحية..

طب واحشني من زمان.. كنت فين بقي ياعنيه

ليه بأغيب عني كتير..؟!!

طب متقطعش الزيارة..

البعاد عني خسارة

خدت نفسي جوّا حضني

الضلوع وحشاها حسي..

وأنا ياما نسيت في نفسي..

ياما غبت كتير كتير..

حتى لمّا شوفتني ما عرفتنيش..

الملامح لعبت فيها السنين..

والخطوط زادت في وشي..

السمار ف الوش زاد حبتين.

والبياض احتل شعري..

والعيون ضاقت شوية..

كنت اشوف م بصة واحدة..

والنهاردة اه ياليل اه ياعين

الصور مهزوزة دايمًا بتلاعبني حبتين.

كل ده ف حبة غياب..

ليه نسيتني ما زورتنيش..؟!!

مين حيسأل تاني عني..

مرة تانية ما تنسانيش..؟!!