جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كلمات / عادل عبد الرازق
متغربين
وسط الطريق
أنا وانتي تايهين
تحت الغيوم
وبين الأحزان
في نفس المكان
ومتغربين
في نفس الزمان
ومتغربين
بيني وبينك فواصل
بيني وبينك ألف فاصل
بيني وبينك فدادين
باتمنى اجيلك
بس تايهة سكتي
أنادي واصرخ
تموت جوايا صرختي
أحلم بطيفك
قدام عيوني يبتدي
لكني باحلم
والحلم من يوم مولدي
قدامي وبتبعدي
عاشقاني ويتعندي
وتضيعي شهور وسنين
وسط الطريق
أنا وانتي تايهين
طفلين وكانوا
بيرسموا وسط المداين
شجرة وعصفورين
يرفرفوا فوق الجناين
قابلتهم الريح
حاوطهم المطر
والحلم على الطريق
إنحنى وانكسر
بكيت عيون الليل
وغيّم المدا
بدأت تضيق السكة
والضياع ابتدا
يترسم وسط الطريق
لون الدموع والأنين
متغربين
وانا وانتي تايهين
وبترحلي …
قدام عيوني ولا قادر اوصلك
وبتبعدي
ويا حطوة مش قادر أكملك
متحيرين
متغربين
في نفس المكان
متغربين
***
