جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
متستعجبش
كلمات_ايمن_شتا
متستعجبش.. متستغربش
في ناس بتكسب ولا تتعبش
وناس بتتعب ولا تكسبش
متستعجبش.. متستغربش
دا حد وارث كام مليون
غير الفيلال غير العمارات
تملي ماسك التليفون
عمال يخلص في الصفقات
تشوف تقول اسمله عليه
عشقيلي واحدة بنت صلات
فلوس كتيرة ملهاش عد
متستعجبش.. متستغربش
فناس بتكسب ولا تتعبش
وناس بتتعب ولا تكسبش
متستعجبش متستغربش
…
عايش حياته مقضيها
فلوسه ومضيع فيها
مع الحريم وجوا برات
وهي تاخد ولا تشبعش
فلوس وجتله يا ناس ببلاش
في ناس بتكسب ولا تتعبش
متستعجبش متستغربش
…
ودا حد تاني مقضيها
رامي في مشاكله معديها
تشوفوا استاذ فالمظهر
دماغه ومريح فيها
عايش حياته مع الدخان
فسهرة حلوة مع النسوان
تملي يشكي من حاله
مهو حاله على طول كدا تعبان
عمال بيصرف ولا يكسبش
متستعجبش متستغربش
في ناس بتكسب ولا تتعبش
وناس بتتعب ولا تكسبش
متستعجبش متستغربش
..
ودا كمان تلميذ خيبان
عمال يبص يمين وشمال
فتحلي باقة مقضيها
عمال يحب في كل مكان
تشوفه تلقا ابن اصول
بس فحياته بليد على طول
ابوه بيشقي ويديلو
وهو بيضيع على طول
ديما بيسقط ولا ينجحش
متستعجبش متستغربش
في ناس بتكسب ولا تتعبش
وناس بتتعب ولا تكسبش
متستعجبش متستغربش
…
ودا حد بيقولوا فنان
مقضي ليله لعب قمار
عمال بيلعب طول الليل
تقولش بنهم يعني التار
فلان كسبان.. فلان خسران
وحد قاعد مبيلعبش
عشان بيكسب مبيخسرش
متستعجبش متستغربش
في ناس بتكسب ولا تتعبش
وناس بتتعب ولا تكسبش
متستعجبش متستغربش
…
ايمن شتا
