مبارح القمر بالليل

مبارح القمر بالليل مر فوق الجبل
نسي شلحة نور من شلحاته على شجر الاندول وفل.. ؟
يا قمر لتكون نسيت هالتك ع شوكاته.؟.
لمين تركتها؟……
اللون الاصفر صار يحكي مع لون الدحنون ع خدودها..
كيف بتجتمع اللوان الحب على الشوكاته؟.
الصبيّة قعدت ع حفة النهر تجدل شعرها…
صوت المشط طير رف الحمام من الشير
رفرف مثل رموشها مع المدى…
المدى كبير بوسع مسرى الغيم
الغيم ترك مشحة خجل ع راس الجبل….
. والجبل صلى ركعتين الفجر
الفجر انشق من مسارب عيونها……
قلي يا قمر كيف تركتها…..
وشو حلوة طلتها. حبة الندى تثقل حملها
تشرق الشمس وتفل وتاخذ من لونها….
تلون السراب….
السراب يحمل رف الفراشات على الجل
. على روس الورد ينشر رذاذها……
قلي يا قمر لمين تركتها….. ؟
كانت الورود تصنع فياتها والعطر سرق حاله من عطراتها…..
كانت الشمس بقرص السما والسما صافيه شو لسود غيماتها….. تشرين بعده بعيد وجمرات السما….
وقعت جمراتها. والارض دافيه والعشب ملّا زوراتها……
قلي يا قمر لمين تركتها؟….
. كانت رفيقتك بسهرات البدو والغجر يصنعوا من لونك شعراتها…..
كانت تضوي مسارب طيور بهجرتها
وتحرس الندي ع وراق السنديان ونسيم ينظم نغماتها…..
قلي يا قمر لمين تركتها….؟
. لغياب لوّن لون الصخر….
الهشيل سكر مجرى النهر والمي بكيت ويبس الزهر…
والنسيان بعثر اوراقها
قلي يا قمر لمين تركتها
بالمحكية اللينانية
بقلم مرهج نجم