ما بتوحشيني

ما بتوحشيني
بقلم رجب أبو الحسن

ما بتوحشيني..
و مش لازم أدب يمين..
و لا بشتاق و لا بحلم ..
بنظرة عين ..
و لا محتاج لضمة من حنان قلبك ..
و لا فاكرك و لا دقيقتين ..
و لا بسهر يطول الليل ..
بنام بدري ف غمضة عين ..
و لا نفسي أدوق الشهد ..
و لا مشاهدك كما الحاضرين ..
و لا بغلط و اقول اسمك ..
و لا راسمك مع الدواوين ..
و لا سامع أنا صوتك ..
و لا بيسلطن الودنين..
و مش حاسس أنا بوحدة ..
و مش واحدة تفوت ملايين ..
و لا مجنون بقيت بعدك ..
و لا بعدك رماني سجين ..
و لا فاكر كلام بينا ..
و لا أنة تجر حنين ..
و لا مستني أنا ترني ..
و مش،ظني من الفاكرين..
و لا عاذزك و لا عايزك …
و لا ناطر ليوم عشرين ..
و لا بتفوت لياليا ..
طويلة الليلة أد سنين ..
و لا صادق في تعبيري ..
أنا واحد من الكاذبين