لوين

لوين
Merhe j Najem
لبّس الجبل عباية الثلج
.والشمس ذهبّت ثلجاته .
..وانت فلّيت
فلّيت من اللون من السما
من كفاف البرد من حديث الورد
بالوما
فلّيت مع اسراب الغيم .مثل غمامة
مثل شي مجهول اجى ع غفلة
وفل مع العتمة
وهيي .. وهي بقيت
.بقيت مثل الفرح لملون ايامي
مثل شجرة السنديان
مغروسة بارضي
تتحدى سنين وما توقف
على حدود الزمان
مثل الوفا ع كتف الوعد
مثل لحساسين
بكل فصول بكل شهور
بنيسان بتشرين بكوانين
بقيّت الضحكة بوقت الشدة
بقيّت النغمة بايام الحزن
بطلّت القمر بخيوط الشمس
قبل السهر
بصوت الفلاحين
بذكريات الجبل
بقيّت الموال ببرج الحمل…
وانت فليت
ع بكير من دون صلا
قبل السحر
لوين فليت وتركت وردات الدار
كنت عاملك من زهر اللوز مشلح
ومن زهرة الياسمينة
على خصرك زنار
لوين رحت اجى الشتي قاسي
وانت بتحب المطر
من خلف شبابيك من أبواب العمر
من شو خائفة
من شو خايفة… ؟من الثلج….
الثلج بيروح بنسيان
وترجع تنبت على خدود
شقائق النعمان
لوين على ذاكرة
النسيان…. ؟
بعد بكير…..
كنت
خليك بعد مثل الاذان بالذاكرة
الايمان
مثل القساوة بحجر صوان
خليك عم بتلوني المدى
والشفق ياخذ منك لونو
وبحضورك
تحنّي دروب العرسان
خليك مثل البسملي
كل ما تطلي يختفي الجان
خليك بعد
فلو نواطير الليل
والقمر على سطيحة
سهران
ريحة بن وهيل
وموقدة ونار
فرشات تطير حول القنديل
وكيف ما برمتي القمر بيميل
لوين فليت
ارجعي انت… مثل ما كنت
انا على سطيحة ناطرك والوقت
ما بينطر حدا
خلي لصوتك بذاكرتك الصخر
صدا
خلي خضورك معركة
ما بيعرف ايمتها الا الفرسان
بحضورك النصر بلون تلويني
وبغيابك انا خسران
لوين …….