جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج متسبنيش اتألم بعدك..
لو هتفارق.. خد اوجاعك..
انا مش ناقصة الجرح في بعدك..
بس هحاول اداري خداعك..
انا هتعلم اعيش من بعدك..
….
متسبليش الذكرى هناك..
انا هتعود اني انساك..
كل مكان انا روحته معاك..
همسح اسمه خلاص من قلبي..
….
ايوة عرفت الذنب دا ذنبي..
ايوة فهمت هدوس على قلبي..
ايوة هداري الدمع واخبي..
واعمل ناسيه ومش فكراك..
….
لو هتفارق.. خد اوجاعك..
متسبنيش اتألم بعدك..
….
انا عن نفسي هرد الباب..
انا في الوحدة مليش احباب..
ولا هستني سؤال وعتاب..
بكرة تدوق من كاسي لوحدك..
…
لو هتفارق خد اوجاعك..
متسبنيش اتألم بعدك..
بس هحاول اداري خداعك..
انا مش ناقصة الجرح في بعدك..
لو هتفارق خد اوجاعك..
انا هتعلم اعيش من بعدك..
