لون الهزيمة

لون الهزيمة
*******
بقلمي / عادل عبد الرازق
——————-
في وسط المفارق
رسايلنا القديمة فيي إيدينا
وبنبتعد رغم اشتياقنا
وموج البحر غرقنا
وبتبتسم دمعتنا الحزينة
ملهوف هوانا للرجوع
مشتاق شارعنا للفراق
…
غريب رحيلنا
والأغرب ان احنا نفترق
تتبعتر الذكرى ف دروبنا
ولا تتلضم تاني إيدينا
مخنوقة حروفنا
حاضناّ خوفنا
وخيول هوانا في الليل
نايمة في ركن الشارع
…
عصفور بيعشق ..
لحن البكا ف صوت الحروف
متكررة كل الحكاية
متكررة كل الظروف
وكأن القدر ..
هوّه هوه نفس القدر
…
حنيني ندهك
وصوتي كتبك
وقلبي رسمك
فوق الحيطان ذكرى قديمة
وفي أخر خطوة مشيناها
كانت ملامحنا لون الهزيمة
***
بقلمي / عادل عبد الرازق