لما تشوف الدنيا بعيون تانية

كتب هبه هيكل

لما تكتشف إن أقرب حد ليك

كان كدبة حلوة… وممثّل عليك

وإن الضهر اللي اتسندت عليه

كان أوهن من خيط… وكان مأذيك

بتبدأ تشوف الدنيا بعيون تانية

ما بترحمش… ولا بتدي أمان

بتصعب تصدّق… حتى الصادقين

وتشكّ في الضلّ لو مالك أمان

القناع لما يقع مش بس بيُصدمك

دي الوجيعة فـ اللي كنت فاكره في ضهرك

اللي شاركته أيامك وضحكك ودموعك

وتاريه بـ وش تاني… طول عمره بيخدعك

الدنيا لما تكشف الناس… بتعرّي

وبتعلّمك… إن الطيب مش دايمًا يسرّي

وإنك لازم تحافظ على قلبك وعقلك

وما تسلّمش مفتاحك لأي حد يمرّي

بس متخليش الغدر يسرق جمالك

ولا يقسي قلبك… ولا يغيّر أصلك

خد التجربة حكمة… وعلّم قلبك

يميز بين وش طيب… ووش بيحاول يمثّل عليك