جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
بقلم ـ نشأت البسيوني
في حته جوا كل انسان فينا مكان مظلم ما حدش يعرفه غيره حته ما بيوصلهاش نور ولا بيوصلها صوت حد حته بتتجمع فيها كل الالم القديم كل الخيبات كل الوجع اللي ما اتقالش كل الدموع اللي نزلت من غير ما حد يحس بيها وكل المواقف اللي كسرت القلب وسابته واقف على رجليه بالعافيه المكان ده هو اللي بيصرخ لما نقول تعبنا وهو اللي يوجع لما نقول تمام وهو اللي بينزف لما
نضحك ونغير الموضوع وفي يوم من الايام تيجي لحظه غريبه لحظه يتكتم فيها النفس من غير ما نكون بنجري ويتقل فيها الصدر من غير ما نكون شايلين حاجه ويتخنق فيها الكلام في الزور من غير ما يكون في حد مزعلنا اللحظه دي مش ضعف ولا انهيار اللحظه دي اعلان رسمي ان الروح اتعبت قبل الجسد وان القلب ماعادش قادر يبلع وجع زيادة ولا يتحمل حد زيادة ولا يبرر لحد
زيادة في اللحظه دي الانسان يحس ان الايام بقت طويله قوي والليالي بقت موجعه قوي وان الدنيا ما بقتش زي الاول لا الوجوه هي الوجوه ولا القلوب هي القلوب ولا الوعود هي الوعود وتكتشف فجأه انك كنت شايف الناس بعين طيبه زيادة عن اللزوم وكنت بتديهم من روحك ووقتك وحبك اكتر بكتير من اللي يستحقوه وانك كنت بتسند ناس ما استاهلتش حتى تبقى ظل في حياتك
وتعرف ان اسوأ وجع مش اللي جالك من عدو اسوأ وجع اللي جالك من حد كنت بتهون عليه الدنيا كلها حد كان شايفك ضمان مش انسان شايف تواجدك حق مكتسب مش رزق من ربنا شايف صبرك ضعف مش طيبة وشايف سكوتك رضا مش جرح بيكبر وساعات الوجع ما بيجيش مره واحده الوجع بيجي على جرعات الصدمه الاولى الكلمه اللي جرحت النظره اللي كسرت الموقف اللي هزك من
جوا وبعدين الصدمه التانيه الاهمال التعود التغافل الهروب وبعدين الصدمه الاخطر انك تلاقي نفسك بتحارب لوحدك وبتسند اللي المفروض يسندك وبتعتذر لحد ما يستحقش منك كلمه وبتبرر لحد عمره ما حاول يفهمك وساعات تكون الروح مليانه كلام بس ما تعرفش تقوله لانك اتكويت كتير من صراحتك واتخذلت كتير من صدقك لحد ما بقى اقصى ما فيك سكاتك واغلى ما فيك انسحابك
واعقل ما فيك انك بتبعد لما تحس ان مكانك ما بقاش مكانك وان قيمتك بقت اقل من اللي انت قدمته بكتير وفي يوم تلاقي نفسك واقف قدام مرايتك مش شايف ملامحك زي ما كانت الاول لا بسبب الزمن ولا التعب لكن بسبب الناس اللي غيرتك بسبب الوجع اللي علم فيك بسبب الصدمات اللي علمتك ان اللي ما يشوفكش ما تحزنش عليه واللي ما يسالشي ما تستناش منه حاجه واللي ما
يعرفش قيمتك ما تحاولش تعرفه وفي نهاية الطريق الانسان
يكتشف ان اعظم راحه في الدنيا انك تكون مع ربنا بس وانك تسلم له كل اللي وجعك وكل اللي خذلك وكل اللي هرب منك وكل اللي ما فهمكش وانك تطمن ان ربنا ما كسرش حد الا عشان يبنيه من جديد وما اخدش حاجه الا عشان يدي احسن منها وما بعدش حد الا عشان يقرب قلبك منه وساعتها بس الروح ترتاح والجسد يقوى
والقلب يرجع يدق من جديد مش لان الناس اتغيرت لكن لانك انت اللي اتولدت من جديد بقلب افهم واقوى وانضج واقدر يشيل نفسه من غير ما يحتاج لحد في الدنيا الا
