لعله خير

بقلم :  ايمن شتا
مش كل جرح بيكون دليل..

انك مريض أو عليل

سعات يكون الجرح خير..

لعله خير..
سعات بنفتح الجروح عشان تداوي ذكرى فينا

وسعات بنجرح بعضنا.. ايوة بأيدينا..

وانا انجرحت…. جرحك فيكي كان كبير..

لعله خير..

رب جرح لا يزل بين الضلوع

او ذكرى سيبة في قلبنا حبة دموع

او حته ضحكة كانت فيوم سبب رجوع

وسعات كتير يبقا الوداع من غير رجوع

بيكون سعات تحديد مصير

لعله خير..

لعله خير ليا وليكي..

انتي هتقبلي نصيبك..

وانا برضو ممكن احب تاني..

انتي هتلاقي حبيبك

اوعي يوم ياخد مكاني..

اصل انا الحب الكبير

بس برضو لعله خير

وانا لو قبلت حد غيرك

اوعدك هفضل معاكي

هفضل حبيبك

بس اخاف منك تغير

اصل دا تزيف ضمير

لعله خير

مش كل حاجة نحبها بتبقا لينا

سعات كتير تبقا الحياة جية علينا

لا ذنبك انتي ولا حتى ذنبي

ولا ذنب قلبك ولا ذنب قلبي

هي الحياة من غير ضمير

نرجع نقول لعله خير

رب جرح لا يزل بين الضلوع

دا مش دليل انك عليل

سعات يكون الجرح خير

لعله خير

ايمن شتا

شاهد أيضاً

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025

القاهرة تستعد لاستقبال أضخم حدث أزياء عربي مهرجان “آخر موضة” نوفمبر 2025 كتبت / #جيهان_يوسف …

بدء تجهيز انطلاق ملتقى الفن والإبداع في دورته الأولى

بدء تجهيز إنطلاق ملتقى الفن والإبداع في دورته الأولى برعاية #المخرج_بيسو_عامر كتبت الاعلامية/ #جيهان_يوسف ينطلق …