جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
( مش هحاسبك )
بقلمي / محمد سليمان ابوسند
مش هحاسبك أو ألومك
ع اللي فات
هاعتبر قصة غرامك شئ
ومات
واندفن ويا السنين الحلوه
والذكريات
مش هافتكر غير لوعة
آسايا والأهات
افتكر اية ولا اية
افتكر سهر الليالي
والا خوفي ليضيع غرامي
اللي كان ساكن وفارش
جوا قلبي
وضاع معاه عمري اللي كان
افتكر نظرة جحود شفتها
والا رحيلك عني من حتي
غير نظرة وداع
افتكر غربة سنيني
والليالي والصراع
وياالضياع
اللي كان بيعذب فؤادي
وانت كنتي بتلعبي
مش هاكون
لعبة تاني صدقي
كل صورك
ذكرياتك
قطعتها حرقتها
في ليلة من ليالي
فوقت فيها م الكابوس
اللي عشش جوا قلبي
او جوا عقلي مش
هحاسبك او ألومك
لأنك بقيتي ذكرى
من ذكريات
واندفن معاها كل
شئ جميل
م اللي كان بيني
وبينك اصبح وكان
والعزا انا خدتوا فيكي
من زمان
بقلمي / محمد سليمان ابوسند
