جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كلمتين مهمين قبل فوات الاوان 
ازاي أصاحب اولادي
سالتي نفسك انت عوزه ايه من اولادك ؟عوزاهم ناجحين ، متفوقين ، بصحه جيده ، مهذبين…….الخ
هل سألتي نفسك اولادك عوزين ايه منك كأم ؟
عارفه عوزين ايه(حب ـ اهتمام ـ رعايه ـ نسمعهم ـ نفهمهم ـ نبني معاهم ذكريات كويسه ـ ان احنا نكون اصحابهم ـ نقوي ثقتهم بأنفسهم.
خلي بالك هما مش هايفتكرو ان ماما كانت بتأكلنا احسن اكل و تلبسما احسن لبس وتعلمنا كويس لا هما شيفين ان الحجات ديه طبيعي انها تتعمل .وهنا لازم تسألي سؤال مهماصاحبهم ازاي ؟؟
١ ـ لازم تسمعيهم كويس جدا لما يجوا يحكوا لك حاجه .
٢ ـ بلاش على طول تدي نصايح وتوجيهات لان الطفل عاوز يحكي من غير ما يسمع نصايح منك هو بس عاوز يفضفض ويحكي ويخرج الي عنده .
هتسمعي ابنك وهتأجلي النصيحه لبعدين وفي الوقت ده اسمع بس وأعوده يحكي معايا احسن ما يحكي مع حد خارج البيت وخصوصا في سن المراهقه .٣ ـ ابني مع اولادك ذكريات كويسه شوفي اكتر حاجه بيحبو يعملوها و شركيهم فيها
(مثال) الرسم ـ التلوين ـ اي لعبه بيحبوا يلعبوها ألعابيها معاهم .
٤ ـ خصصي يوميا نصف ساعه اخر اليوم وتقعدي تتكلمي معاهم ،
(مثال) ايه اكتر حاجه فرحتك النهرده في يومك او اكتر حاجه ضيقتك النهرده ـ واحكي عن يومي انا حصلي النهرده كذا وكذا …عشان اشجعه يحكي .
كدا بقا في حوار وحجات مشتركه مش دوري طول الوقت ادي اوامر ونصايح وتوجيهات واتخانق معاه واعقبه لازم يبقا في ذكريات كويسه بينكم .
و افتكري ديما انت المصدر الاساسي انك تبني ذكريات في ذاكرة ابنك او بنتك .
فاحولي تكون الذكريات ديه ذكريات طيبه وجميله .عشان لما يكبروا تقعدوا و تفتكروها سوا و تقولوا يا كانت احلا أيام .
كوني صديقة اولادك .دمتم بخير وسعاده
أخصائية تخاطب
نجلاء بدر
