أخبار عاجلة

كلمة أخيرة

كلمة أخيرة
*******
بقلمي / عادل عبد الرازق
******************
كلمة أخيرة … ونفترق
بس أقرا ملامحك لآخر مرًة
تتفسر ما تتفسرش
المهم إني أشوف بعيني

آدي المفترق ..
واختاري إنتي طريقك
أما أنا ..
حاكون غريقك
مش حاندهك ..
ولا عمري حاطلب نجاه

الرقصة الأخيرة انتهت
والدوار ليًا وليكي
محتارين متغيًرين متبدلين
وعينيا مش شايفة عينيكي

ما يهمنيش إيه اختيارك
حدودك .. وأسوارك
غصب عنك ولاً خوفك
ما يهمنيش ..
غير إني مش طايق أشوفك
وهيًا دي الكلمة الأخيرة ..
كلمة أخيرة ونفترق
***
عادل عبد الرازق ،،،

شاهد أيضاً

روسيا هل تعود إلى عالم كرة القدم قريبا؟

روسيا هل تعود إلى عالم كرة القدم قريبا؟ كتب/ أيمن بحر قال جيانى إنفانتينو رئيس …