جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كلمات مؤثرة من دكتور محمد ياسين المتولي طالب بكلية الطب
محمد ياسين متولي
#مابين السطور لامه الدكتورة مني شرف
انتي عارفه ي امي ان الصوره دي مرضتش انشرها علشان متتحسديش ويقولو خفت وعارفه ان انا نفسي اقعد واتكلم معاكي قد ايه او حتي اقعد معاكي بس الفتره الي فاتت كنا بنجيلك ونمشي خطف كده مع اني بيبقي نفسي اقعد بس كنتي بتقوليلي روح علشان حد يبقي معايا هنا وحد مع ابوك هناك ومع ذلك كنت ببقي نفسي اقعد علشان اللحظه الي احنا فيها دلوقتي دي وعاوزك تعرفي اني عمري ما زعلت منك حتي في عز ما احنا متخانقين مكنتش ببقي زعلان علشان عارف انك هتيجي تصالحيني من نفسك بعدها عمرك مزعلتي حد مننا ولا فضلتي حد علي حد ومع ذلك احنا الي قصرنا معاكي كتير كنتي دايما بتشوفي الناس كلها عاوزه ايه الاولي وفي الاخر تبصي لنفسك انتي كان نفسي تبقي موجوده معانا علشان في حاجات كتير اوي كان نفسي تشاركيني فيها انتي كنتي اكتر واحده عارفه كل حاجه عني وكنت بحكيلك اي حاجه وكل حاجه اول واحده ومكنتيش بتزعليني وحتي لو شايفه ان الحاجه دي مش نافعه او ناقصه بس شايفه ان ساعدتي فيها كنتي بتعمليها وبتوفقيني عليها اكتر حاجه بتمناها دلوقتي اني ارجع اتكلم معاكي تاني بس ربنا يرحمك يارب ويجعل كل عملك الخير الي شوفناه من للناس او مشوفنهوش يكون في ميزان حسناتك ويجعل مرضك شفيع ليكي وان شاء الله في الجنه ونعيمها ي امي..
