جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كفر الشيخ تودع بالأمس شاعرها الروائي كامل ابراهيم مساء يوم الجمعة ١٩ نوفمبر ٢٠٢١ م
عن عمر يناهز ٦١ عاما من رحلة العطاء ليدفن بمسقط رأسه بقرية مسير ٠
* أليس هو القائل :
و يقول في قصيدة بعنوان ( جنازة ميت مهم ) :
من تحت النضاره السوده
غمزت بيضه لبيضه
وقالت ” هاى ”
شفتيه ميت حلو ازاى.!
هيصه. وزيطه
ومانشيتات ع الفضائيات
وخبر عاجل مالي الشاشه
بيقول : مااااات .!!
طيب ماهو لازم هيموت . !
غَسِّلْ
كَفِّنْ ..أدْفِنْ. قَفِّلْ.
مش لازم وكلات أنباء
وفضايح ع الفضائيات.
واللَّا الميت من امواتكم
لو بيِّت ع الشاشه يزيدكم
شهره وتبقوا اصحاب السبق
ف نشر فضايح للأموات ..!!
حتة ميت .!! شفت جنازته ..!!
. آدى الميت واللا بلاش
نسوان ايه دى وعربيات
قوات امن وموتو سيكالات
مش ميتنا ابن الجربوع
ماشى وراه
هلافيت بطواقى..!
آى والله
ماأحنا كمان عندنا أموات ٠٠٠ !!
” من قصيدة : جنازة ميت مهم ” ٠
——-
صاحبة رواية الضفيرة ، وقصيدة بنت بياع الليمون ٠٠
” كامل إبراهيم – ١٩٦٠ / ٢٠٢١ م ”
عرفته عن قرب إنسانا وصديقا و مبدعا وصوت جميلا جريئا مثقفا ٠٠٠
له عدة تجارب حقيقية مع الحياة بجانب أعماله الحرة ٠
وكثيرا ما كان يعجب بمقالي الأدبي في جريدة كفر الشيخ عن شعرائها ، بل وتغريداتي المتنوعة فيتواصل معي في إعجاب و تدعيم وكثيرا ما كان يدعوني كي أشارك في تكريم المبدعين حينما كان
رئيسا لمجلس إدارة نادى الأدب بالمركز الثقافى بكفرالشيخ فكنت اعتذر لظروفي وأُساهم كتابة عن التظاهرة ٠
وذات مرة قام نادي الأدب بالمركز الثقافي بكفرالشيخ بتكريم الشاعر الكبير سيد حسن غازي – صديقنا العزيز ، وتجمعنا به لقاءات متميزة، وقد قال عنه الشهاوي : شاعر تسكنه شياطين الشعر – وقد كتبت عنه دراسة وصمم الأخ الصديق الشاعر والروائي كامل ابراهيم رئيس نادي الأدب بالمركز الثقافي أن أحضر اللقاء وحال الوقت بيننا ، وكان الاحتفاء آنذاك تحت إشراف الدكتوره جاكلين بشري وكيله وزاره الثقافه بكفرالشيخ ٠
وتظل روح الود بيننا ونتحدث عبر وسائل الاتصال حول هموم الثقافة ٠
و أخيرا حول كتاباته التي تصور لنا عمق رؤيته وترسم عالمه الجميل المركب في نص فلسفي جميل ذات طابع خيالي وواقعي متجانس من خلال أسلوبه الساخر للنقد الواقعي للحالة الاجتماعية في جمل ومفردات مكثفة لها دلالات المنطق تنم عن موهبة واستعدادات وثقافة متعددة ومتباينة فيتجول بين القصيد و الرواية ليترجم لنا في عفوية مدى حلمه الكبير ٠٠٠
* نشأته :
======
ولد الشاعر الروائي كامل إبراهيم غازي آدم، في عام ١٩٦٠ م بقرية ( مسير ) محافظة كفر الشيخ جمهورية مصر العربية ودرس في مدرسة الشهيد عبد المنعم رياض الثانوية و تخرج في كلية التجارة ٠٠
ثم عمل بالأعمال الحرة و التجارة ٠
و رئيس لنادي أدب كفر الشيخ سابقا ٠
و ظل فارسا بكلمته الجريئة في شتى مناحي الإبداع كما عرفناه في المهرجانات و المؤتمرات ٠٠
و بعد رحلة عطاء في ميدان الأدب والثقافة يصارع المرض ليرحل عن عالمنا في يوم الجمعة ١٩ نوفمبر ٢٠٢١م و يدفن في قريته بمسير السيوفي و تبقى روحه بيننا و عمله يخلده في سجل الخالدين ٠
* صدر له عدة أعمال منها :
= ديوان شعر بعنوان ( من ساعتها ) ٠
= ديوان ( أظنك لسه فاكرني ) ٠
= رواية بعنوان( الضفيرة ) ٠
= و عدة أعمال أخرى نتناولها في دراسة مفصلة ٠
* مختارات من شعره :
===============
مع قصيدة ( طراطير ) .
…………..
فى شارعنا الضيق جدا
نص الشارع رد سجون.
برشام وسلاح وحشيش
وزبون بيفاصل ويا زبون
وكمين وشويش..
واتنين أمناء.
.امناء امناء امناء جدا.
سايبين السايب ع السايب ..
وعنيهم بس على المعلوم.
عايزين ايفون .
ايفون آى فوون !!
وحريم بتاجر جوه الشارع
فى الرجاله وابر الماكس
وف الافيون.
(وسلامه المخبر) بنى برجين..
والشيخ مهران أهو خد سنتين.
علشان بيصلى وبيطول .
وبيشرح ف أصول الدين
..نزل شربات وادينى ينسون …
ادينى ينسون
والشعب يحاسب ع المشاريب
فى شارعنا الضيق جدا
ناس بتخطى وناس بتوطى
وناس بتنط وناس بتخون .
فى شارعنا الطيب جدا
علشان تكبر .
من غير واسطه
تبقى بتحلم او بتخرف او مجنون.
فى شارعنا الضيق جدا
لو عايزينك..!! .
هيغنولك .
.. احلى كلام.
فى شارعنا الضيق جدا
بنفرق على بعض الأحزان
ونسلف بعض هدومنا..
وهمومنا .
وينشطب من بطايقنا المهنه.
والنوع.والدين
.وبنكتب كلمة إنسان ..
في شارعنا الطيب جداً
بنفرق علي بعض الاحزان
ونسلف بعض هدومنا وهمومنا
وبنشطب من بطايقنا المهنه
والنوع والدين وبنكتب
كلمة انسان ..!!
في شارعنا الطيب جداً كله مباح
وحكومه بتحكم
بينها وبين الناس بالعدل ?
وبتقسم بينها وبين الناس بالعدل
انت النص وهيَّا النص
فى شارعنا الطيب جدا
ندل بيتجسس علي ندل
في شارعنا الطيب جداً
كل الناس بتحب الناس
مبنعرفش نسك الباب
ولا بنام والباب مقفول
ولانعرف ضبه وترباس
لمَّا ننام بنام بضمير
بنرمي حمولنا علي الديان ؛
فى شارعنا الضيق جدا
ياما تعالب أكلوا وحوش!
فى شارعنا الطيب جدا
اعمل كل اللى بيحلالهم
ومتعملش اللى بيحلالك..
أصل الناس فى شارعنا تملى
ينسوا حلالهم .
.وبيحلالهم اكل الميت.
لما يموتوا ساعات فى حلالك..؛؛
فى شارعنا الطيب جداً
كل الناس أفكارهم شاخت م التزييف
م الفكر الماسخ
من علماء الفتَّي ومتَّي القسْ
اللى بيزهقش من التسويف
ف شارعنا الطيب جدا
شخص فضولي وفكره سخيف
بيططب دايما ع الستات
ويسلم بصوابعه العشره
ويعرف نفسه وبيطول
بيطول دايما ف التعريف
ف شارعنا كلاب تغسل بديتول
وعيال بتبيت ف المراحيض
.ف شارعنا حيتان ساكنين ع الرووف
وحداهم ارض بعرض البحر
وحداهم عزبه ف 100 فدان
وحداهم كلب طفش م الجوع
وحداهم بنت راكبها الجن
ف عز الليل تطلع وتغلس ع الشبان
ف شارعنا .الطيب .يبقى حمار
والسافل هوه كبير الدار
فى شارعنا الطيب جداً
بنحرم أكل الميت
وبنا كل لحم الحى.
ف شارعنا الرايح مش جى
في شارعنا خفير بيجيلنا ساعات
ومعاه منشور بسم المأمور
بيقول للناس تلبس طراطير
طراطير. طراطير
نلبس طراطير
احسن مانطير
ونسيح ونروح ونضيع ونصيع
نعمل طراطير
احسن مانلاقي
قرار ازالتنا بهد البيت
ونلاقي ولادنا علي الرشاح
وحريمنا بتخدم ف المشاهير
نلبس طراطير
طراطير طراطير …!!
أحسن لا نطير ..!!
***
مع قصيدة (انا غير متاح ) :
معرفش ليه
دايما في عرفك يابلد
انا غير متاح
واشمعنا أنا
من بين ألوف الناس
اشمعنا أنا؟
اشمعنا أنا ؟
انا من زنا..؟
أنا من سفاح..؟
معفى من التجنيد بواسطه
وخفت من شيل السلاح..؟
جنسيتى فيها اذدواج؟
شعبيتى ماليه البلاد..؟
قاعد بجمع ف العباد
وأشرح لهم سوء المناخ..
ليه يابلد أنا غير متاح؟
ليه يابلد …
يامسيسه ف العربده
ومتعرفيش كبت الجماح.!
يامهندسه ف رمى الجتت.
يامدربه
ومتعوده عالانبطاح
ليه يابلد
يامتيمةً بالعولمة
ومتعممه باالانفتاح. .
انا غير متاح. .
واللا انت عارك ذلتك
وبقيتى مكسورة الجناح
ليه يابلد ..
هوه انتى ليه ناكره الجميل. !
بتهمشى كل الولاد
وتكبرى ف الكبرانين
مين اللى شاركك محنتك؟
مين اللى دأب ف محبتك.؟ .
مين اللى ضحى بدمه
وانداس ف التراب
ساعة ماكنتى مسلمه. .!!
ولما جالك يومها
يحضر حنّتكْ
ملقاش مكان
ولا كان متاح !!!
ليه يابلد
***
و يقول في قصيدة أخرى بعنوان ( جنازة ميت مهم ) :
من تحت النضاره السوده
غمزت بيضه لبيضه
وقالت ” هاى ”
شفتيه ميت حلو ازاى.!
هيصه. وزيطه
ومانشيتات ع الفضائيات
وخب
