جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كسرةنفس
كلمات_ايمن_شتا
انا بخير.. يدوب بس كسرة نفس
وحبة حزن ويا دموع وحارقة دم
وشكلي بس متغير..
لكني بخير..
وايه يعني جرحتني..
بسكنتك دبحتني..
يا شيخة.. هو انا فارق..
ولا قلبي دا بيحس..
دا يدوب هي كسرة نفس..
….
انا اتعشمت بزيادة..
وخني قلبي كالعادة..
طلعتي بجد سدادة..
كسرتني..
وايه يعني جرحتني..
بسكنتك دبحتني..
يا شيخة هو انا فارق..
ولا قلبي دا بيحس..
دا يدوب هي كسرة نفس..
..
انا بخير.. اطمني..
انا اتعلمت من غلطي..
وانتي نامي واحلمي..
وبكرة قومي واتمشي..
وشوفيلك قلب جديد..
بس ياريت تختاري..
قلب خامته من حديد..
لا بينكسر ولا بيحس..
عشان فالجرح ميحسش..
بكسرة نفس..
انا بخير..
…
ايه يعني سرقتي ايامي
وخدتي مني احلامي
وضيعت معاك العمر
وكنتي جرحي والامي
يا شيخة.. كبرى وفكي
انا اللي هربت من شكي
وصدقت.. وحبيتك
وجوة قلبي خبيتك
اتاري شكي فمحله
وكنت لازم اوصله
وشفت الغدر فعنيكي
انا اسف لمعاليكي
انا الغلطان
وكان لازم افوق يا زمان
انا بخير
يدوب بس كسرة نفس
وحبة حزن ويا دموع وحارقة دم
وشكلي بس متغير
لكني بخير
وايه يعني جرحتني
بسكنتك دبحتني
يا شيخة هو انا فارق
ولا قلبي دا بيحس
دا يدوب هي كسرة نفس
…
ايمن شتا
