كان نفسي أكون في الدار عمود

كان نفسي أكون في الدار عمود
بقلم رجب أبو الحسن

كان نفسي أكون في الحلم حي
ميت أنا حتى ف خيالك ..
كان نفسي أكون في الدار عمود..
كان نفسي و أنتي بترسميه أخطر ببالك…
صارخ وجع جوايا آي …
.معقولة إحساسك بحبي يسوى فاي ..
ده أنا كنت بحسبني بطل ..
أطلع أنا صفر ف شمالك ؟
أنا ؟ أنا متهم ؟
بعد الحنين الملتهم
الغول نهم ..
كل اللي مزروع باللهب
هبت رياح متحملة أمطار ف غيم ..
اتحول المزروع هشيم ..
العشق طار منه الجفا ..
و صفصف حنيني المصطفى ..
على شيء ضئيل …
أنا كنت فاكرني الهدف …
طلعت عابر للسبيل …
كان نفسي و أنتي بتحلمي..
تتكلمي عني بوداد …
أنا قلت كان نفسي أكون في الدار عماد …
ما أنتي الوحيدة في الفؤاد ..
أنتي الوحيدة ف البلاد..
كل البلاد ..
كان نفسي و أنتي بترسمي …
ترسميني .. إن شاء الله حيط …
شعور رهيب لما تحس
بعد الحب ده
إنك بسيط