جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم/ صلاح شعبان الفيداوي
لما كان الفجر
يحين له أذان
نصليه ونفطر لقمه
ونجري على الغيطان
مع شقشة شمس النهار
والعصفور يزقزق
ويطير في كل مكان
لطلوع النهار فرحان
بأدينا فاس الجد
بتضرب في الأرض
ونرويها بساقيه
وبقره تدور
وأنا وراها ف الدوران
ولما ييجي الظهر
نجري ع الضله
نريح جسمنا التعبان
تحت التوته ضله وتوت
وكله بالمقسوم راضي
حتة جبنه ورغيف ناشف
ناكل ونضحك بالعالي
وياما لعبنا لعب تسالي
والكل فينا يكون فرحان
عايشين ع الحلوه والمره
ولا حد فينا يكون طماع
ونشتاق لبكره يجينا
يجمعنا ف نفس المكان
فينك ياطيبه في زمانا
و فين الإنسان ….
لما كان إنسان
