جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
كتب/ أيمن بحر
منذ أن تولى السيد الرئيس عبد الفتاح السيسى قيادة مصر أحدث طفرة غير مسبوقة فى كل القطاعات ودايمًا كانت عينه على الصناعة كقلب التنمية والتقدم. من أول يوم وهو بيشتغل على تمكين القطاع الصناعى وتوفير بيئة استثمار قوية عشان مصر تبقى دولة منتجة مش مستهلكة.
شفنا مصانع بتتبنى مدن صناعية بتتفتح وشباب بياخد فرص حقيقية يثبت فيها نفسه. الصناعة عنده مش مجرد شغل دى أداة لبناء وطن مستقل واقتصاد قوى. وده كله جزء من رؤية مصر 2030 اللى بترسم ملامح بلد حديثة بتعتمد على الابتكار والإنتاج والتكنولوجيا.
والأمر مكنش مقتصر على الصناعة بس ده التعليم كان فى قلب أولوياته من تطوير المناهج لبناء مدارس جديدة وإنشاء جامعات أهلية وحديثة. وكمان ملف الصحة من القضاء على فيروسات مزمنة زى فيروس C لتطوير المستشفيات وتوفير المبادرات الصحية المجانية لكل المصريين.
ومبادرة (حياة كريمة) أكبر دليل على اهتمامه بكرامة المواطن المصرى من تطوير قرى كاملة لتوصيل خدمات وفرص شغل وسكن يليق بالشعب.
اللى اتعمل فى سنين قليلة محتاجين نحافظ عليه ونبنى عليه أكتر. لأن اللى جاى محتاجنا كلنا بإيدينا وعقولنا نكمل المشوار وندعم بلدنا.
