جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
قصيدة (جبر الخواطر)
كلمات عاصم بكر علي منصور
قوليلي يا حجه يا أم الأيتام
عرفيني و كلميني البضاعه دي بكام
تعالي يابني وارمي بس الاول سلام
قولي انتي ياست ايه خلاصة الكلام
حاضر ياغالي عيوني تعالي وكله تمام
اناشايف بعيني بضاعتك خرده وركام
ليه ياولدي تخلي بينا علامة استفهام
فاكراني يا حجه بفلوسي بطير حمام
خلص ياغالي وقولي عايزهم بس بكام
نصف ثمانهم ومنين اجيب اكل للأيتام
بلاش تقولي الكلام ده ياحجه بصي لقدام
انابربي في ايتام سها وليلي ومني وحسام
هاخدهم منك بكده و كلامك ليه اوهام
والله يابني كفايه عليه منك كده وحرام
خليكي قاعده بيهم لمايجي عليكي الظلام
خدهم واعرف اني شايله من الهموم أكوام
شايليني ياست علشان اروح افرح المدام
روح يابني يتولاني ربنا ال لايغفل ولاينام
تعالي يا زوجتي فينك افرحي ياأم الغلام
جايب كل الخير والله شي ولا في الاحلام
اصل انا دايما شاطروفي الشرا فارس همام
فاكر نفسك كده بطل في البخس ومقدام
اقعد مع نفسك وصارحها يمكن تحس بندم
تلاقي الفرح اللي جواك في لحظه اتهدم
لماجيت يوم علي الست وأصبح حالها عدم
ضمير الناس قل منه الخير اللي فيه انعدم
بلاش تخلي الخير جواك يضيع وسط الزحام
الدنيا دورا ينقلب الحال وتدوق مرارة الايام
جبرالخواطر علي الله والطيب مربوط بلجام
اشتري الطيب وبلاش تيجي علي ام الأيتام
قصيدة جبر الخواطر
كلمات عاصم بكر علي منصور
