قسمة و نصيب

بقلمى
محمد يونس

قالوا الجواز قسمة و نصيب
انا قولت الكلام مش كدة
خالص
لا حكمنا شرع و لا عقل و لا دين
ولا حاجة من دى
خالص
اللى مشيت ورا قلبها
واللى مش عارفة تحكم عقلها
واللى ابوها مش هنا
خالص
واللى مستعجلة
على جواز بنتها
واللى عايزة تخلص
من فقر وهم اهلها
واللى ابوها ما لوش وجود
خالص
قالوا عندة اية و معاة كام
ونسيوا يسالوا عن
دينة و اصلة و مبداة
ولا ابوها سال علية
خالص
قالوا ضل راجل
ولا ضل حيط
لا طلع عندة سكن
ولا شقة ولا غيط
ولا حاجة من دى
خالص
امها خايفة عليها لتعنس
و تسيبها من غير
انيس ولا ونيس
ولا عيل بية تتونس
خالص
اول مشكلة بينهم
كانت على القايمة
و امها مش عارفة
ان كانت صاحية ولا نايمة
وابوها نايم نوم فى العسل
خالص
وابوها
لا يشغلة غير مزاجة
اكلة وشربة وسجايرة ومعسلة
الحاجة بعنيها تبصلة
وان خالفها بلسانها ترصلة
دة راجل مالوش لازمة فى الوجود
خالص
شوية قاعد عند امة
وهى قاعدة عند امها
وجوزها لا شغلة ولا مشغلة
و مكبر دماغة من كل حاجة
خالص
راجل مش نافع طبلة ولا طار
وحرام العيشة معاة
خالص
يابنتى مافيش غير الصبر
وربنا يخلصك من كل دول
خالص
بقلمى
محمد يونس