في الهوي خيال

نهلة البدري

2022/6/21

عنيكي كالمهره
وأنا في الهوي خيال
ولو بعيد وصلك
حكون أنا رحال
ولو حقول وصفك
ميكفنيش موال
أنا درويشك انا
‏ لفيت بحور وجبال
وكعبتي انتي
شديت أنا الترحال
عنيكي كالمهره
وانا في الهوي خيال

واخاف اقولك غزل
يقولوا الكلام فاضح
وانا اللي عمري انتهي
من رمشك الجارح
وقيس هواكي أنا
ف البلاد سارح
انا عشقي ليكي ندي
علي قدك الصابح
انا اللي لمسك خيال
وخيالي كان جامح

انا المقتول أنا
وف الهوا جاني
يا ساكنه كلي أنا
وساكنه أركاني
يا ام الضفاير ليل
و ليلها خلاني
عطشان لقاكي انا
‏ انتي رياني
‏ياام العيون العسل
‏الشهد أعماني
‏وف الغرام انتي
‏انتي عنواني
‏
‏ياللي انت طيفك حضر
‏حضر وأغواني
‏قررت أعيشك غزل
‏انسي أحزاني
‏يا ام العيون العسل
‏النظره وخداني
‏بقيت أسيرك أنا
‏وهواكي سجاني

انا ليكي عاشق انا
والهوي قتال
مسجون في حبك انا
لكن بدون أغلال
عدت سنين العمر
وحالي هو الحال

أنا طالب بس الرضا
و بعت ميه مرسال
فلو تسمح حبيبتي
تكون ليا حلال