فنجان قهوة

بقلم رجب أبو الحسن

اعمل حسابي ف قهوة من ايدك..
و لا كوباية شاي من برادك..
اعزمني و اعمل حساب العشرة
ده أنا كنت عيدك..
مستخسر فيا أنا
و أنا كنت لك زادك..
اعمل لي كوباية
واشربها ويايا..
اشربها نخب انقسام الروح نصين..
اعمل حسابي ف قهوة اعمل لي..
اعمل حسابي ف قهوة عثمانلي ..
سكرها زيك زين..
ولا نسيت
و لا نسيت كيفي
كما المنسي حاجات و سنين
كان كيفي أسجل كل تقاليدك..
وتقليدك..
وفاكر كل مواعيدك..
متسجلة حداي..
اعمل حسابي ف قهوة من ايدك..
اعمل لي هدفع حسابها
و هدفع حساب الشاي..
اعمل لي كمل جميلك..
ميل لمايل لميلك..
اعمل حسابي آجيلك..
اشرب معاك الجوز..
اعمل حسابي ف قهوة..
ده أنا قهوتك بهوى..
ده أنا هويت بهوى..
سهوة شربت الموز..
الغشق فضفض لك..
ولا مرة نفض لك….
اعمل لي من فضلك..
فاض لك غرامي الآن..
يا اللي أنتي عازاني..
الحظ عزاني ..
بالصبر واعظاني..
ما أشربش غير فنجان؟