فارس ميدانك

بقلم رجب أبو الحسن

كان نفسي مش بس العشيق
كمان أكون لك كل شيء
كان نفسي أكون لك ف الصباح
حبوب لقاح
و وقت المغيب
كل الشموس من كوكبك
تأفل تغيب
إلا سنايا
حاضر رقيب
ناضر حبيب
هو ابتدائك و النهاية
مش بس واحد من بتوع
حتى في لحظات الخضوع
يكون سلاحي المبتغى
و انا الأغا
فارس ميدان الموقعة
غارس في أرضك كتبغا
جابر و غائر
داسس في أرضك من مخازن السلاح
سيد الذخائر
كان نفسي أكون سلطان جنابك
أرتقي وحدي هضابك
و أول الفاتحين
يا انا يا إما ما فيش معارك
و لو لحين
كان نفسي أكون ضابط إيقاع
تخت المزاج و الدندنة
حامل لواء الاحتفاء
بفتح باب السلطنة
مالك زمام كل المتاع
حامي الحما
خامد نيران الملحمة
كان نفسي أكون ليكي المفر
فيكي استيطان الأسلحة
فيكي المقر
مخزون حصائد الجهاد
و الاجتهاد
و الارتياد
و الارتقاء سطح الهصاب
كان نفسي أكون طفلك رضيع
و ارتوي من نبع طاب
نفسي عناقيد العنب
تعصر خلاصة خمرها
على ثغرها
و العدد واحد لعاب