جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
==== غدر الزمان ====
بأصبر نفسي
وعليها
بأطبطب
وأقول ليا
متزعلشي
ناس بقسوة
غدروك
وسابوك وحدك
وكله من
جنبك
قام يمشي
أنا اللي كنت
بكل الفخر
ليهم ضهر
وكنت علشانهم
بأسهر لحد
الصبح
وأقوم الضهر
عليهم أسأل
يمكن حد
محتاجني بجد
الكل ييجي
بيطلب مني
فلوس وأعطيهم
من غير عد
وأقول عادي
عند ربنا
مش ضايع
ولا عايز
ليهم رد
ولما الدنيا
غدرت بي
وصرت أنا
المحتاج
نسيوا مني
معروفي
وصاروا
يهربوا مني
ولقيت الصد
ياعيب الشوم
على دا القوم
نسيوا الفضل
وعرفت الرد
يانفسي صبرا
بكره الدنيا
تتغير
وأختار صحابي
بجد
بقلمي
صلاح شعبان الفيداوي
القاهرة
٣٠/ ١٠ /٢٠٢٤
