عنتر ولا عبلة

عنتر ولا عبلة
بقلم رجب أبو الحسن

كل اللي قالوا هيفضلوا..
اتفضلوا..
ما كانتش من جوه العهود..
كل اللي قالوا هيفضلوا..
اتفضلوا..
لا عتب على قوم هود..
كل اللي لاقى التضحية
بالسخرية..
لو تبكي عيني
تنخلع مني الخدود..
كل اللي هانت عشرتي
عليه سلام..
السكة دي توديك قوام..
إلى حيث لا يمكن تعود..
كل اللي قابل
قلبي ده الطيب بخسة..
ويا مين شرى
عشرة سنين للمسخرة
يا ألف بخسة..
أثمان سنين الاحتواء
والافتداء
سنين شداد
قالوا لي مين حضروا المزاد.
.أثماني بخسة..
يعني حتى البيعة خاسرة..
يا ألف حسرة
ع اللي حتى ف بيع سنين الصدق
من جانب وحيد..
السعر أزهد من زهيد..
رغم المزاد..
مازاد جدع بعد الهشيم..
ما هو أصل مش ممكن كريم..
يبتاع وضاعة..
هو الجمال رغم الجمال في العاهرة
زي الجمال في القاهرة
أصبح بضاعة..
سوق للنخاسة..
يا راحلين..
وبايعين..وضائعين..
أنا كنت خابر بالفراسة.
آخر سطور قصة غرامي الأبتر..
كل اللي قالوا هيفضلوا..اتفضلوا..
ما كانتش عبلة حبيبتي أنا..
ما فاهمش كيف أنا كنت عنتر