جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
عمار البيوت
بجور الجاز
وطشت الغسيل
شفشق ازاز
كنبه وسرير
حصيره قش رز
و زير بشهد نز
ولأي هم طظ
وعاطي بخيل
عمار البيوت
مش قبر وتابوت
من أرضها لسماها
شجرة تجود بتوت
ستر البنات
وعفة الولاد
سكر نبات
الصدق والوداد
دي سنه الحياة
ومفيش مجروح واه
لاقلب يوم كواه
شيطان حاقد عويل
ده حالنا كان زمان
دلوقتي صبحنا ايه
اتلغبط الكيان
خلينا عاليه واطيه
بسواد الضمير
وذلة اللسان
بنتكلم كتير
ووعود منا تطير
علشان الأغلى منا
ديون عفش الجهاز
بجور الجاز
وطشت الغسيل
شفشق ازاز
كنبه وسرير
حصيرة بقش رز
ولأي هم طظ
وعاطي بخيل
هاتها جمايل يارب
شاعر الحارة المصرية
صلاح سليمان
