على الشط

على الشط
كلمات حموده دهمان
على الشط
قابلتني اجمل صبيه
دق قلبي وقالي ديا
اللي في احلامك
ياما ندهتلك
يالا بسرعه نادي عليها
هتلاقيها في ثانيه
جايه
على الشط
ضحكت لما شاورتلها
واترسم الفرح ف عيونها
وطار بينا الشوق لدنيا العشق
ماهي حبيبتي اللي تمنيتها
الموج بقا يرقص فرحان
وكمان فيروز الشطآن
ورسمنا يجي مليون خط
على الشط
وحلفنا لانبقى لبعضينا
ونتحدى العالم حوالينا
ما حد هيقدر يبعدنا
مهما الايام هتعاندنا
هنعدي الصعب
وقولنا كتير
وحنين وغرام
ووعود واحلام
وبيوت برمال
وغزلنا من الصدف
يجي مييت مليون عقد
على الشط
اتولد حبنا وعشنا
اجمل وقت
وبنينا قصور لهوانا
وجنة حب لهنانا
واتواعدنا
لايوم هنبعد ولانزعل
مهما قاسينا
ودوقنا المر
هنعيش حياتنا الباقيه
ولو
على الشط
ياما لعبنا وجرينا
وياما ضحكنا وغنينا
وارتاحت على صدر الموج احلامنا
ورقصت امانينا
على حضن
الشط
وكان بينا وعود وعود
واحلفنا لانصنع من الشوق والعود
سفينتنا
اللي هتنجينا من الاحزان
وتفرحنا
وتحدفنا
لجزيرة العشاق
وندوق السعد

على الشط
كانت حكايتنا وفرحتنا ودنيتنا
والغزل كان بينا بالسكوت والهمس
و لما كنا نتخاصم كان يصالحنا
غروب الشمس
وياما ياما قولتها
انتي الوحيده ياحبيبتي
اللي في قلبي دالوقتي
وبكره
وكمان بالأمس
على الشط
وعشنا ف دنيا كلها احلام
كل حياتنا غرام في غرام
لا سألنا النهارده ايه
ولا امبارح كان فيه ايه
وعشنا اجمل الايام
حسيت انها نفسي
ولا عمر انها في يوم تقسى
على قلبي على حبي
على نفسي
على الشط
نفس الشط
اللي جمعنا وكان لهوانا ليه معنى
استنيتها في يوم العيد
وجوايا الشوق بيقييد
واتأخرت
ونسيت حبيبتي
كل الوعود والمواااعيد
وعدى اليوم وراه اليوم
وعدى العمر مادقت النوم
ومستني ومستني
اشوفها يوم
على الشط
وكان امل جوايا بيوصل لكل سمايا
بإنهاراجعه وعطشانه
لشوقي وحبي
وحضني وقلبي
وبتقولي وحشني ياعيوني
بعادك غصب عن عيوني
دا واحشني الشط
وفجأه لقيتها جايه
وفي أيدها
طفل جميل
وواحد تاني بقا جوزها
لقيت الشمس مش واضحه
والضلمه على الشط
مغيمه وطارحه
واحلامنا لقيتها متاخده
والاماني بتنسحب
ويا الفرحه
كل شيئ رسمناه
كل بيت بنيناه
ضربه الموج في لحظه
واتبخر وانتهى
في ثانيه
مفضلشي غير انين قلبي
ودهشتي وحزني
وجوايا يجي مييت مليون
صرخه
على الشط