جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
عكس إعكاس
كلمات حموده دهمان
عكس إعكاس
ماشيه بعض الناس
من غير إحساس
يكرهوا الفاتح
ويعشقوا الترباس
ويلمعوه بقوه وإخلاص
وليه يبقوا عزوه
وحراس
واهي ماشيه الخلق
عكس إعكاس
الفقير وسط الديابه
عمال يجهز في الجبايه
يجمع من عروقه الدم
ومن عرقه يسقي البجم
والبجم عايز كمان يوزنه
بميزان حساس
علشان يحاسبه علي
الجسد والراس
مهي عكس عكاس
اللي معاه الماس
عايز يذوده
والظلم اول سيف يملكه
مش مهم عنده في مين يغمده
لو في اخوه عادي
مافي شيئ يمنعه
كل حاجه عنده بتتنسي
بشربة كاس
مهي عكس عكاس
المحتاج بيدي للي معاه
غصب عنه مش برضاه
اتاوه مره بالمسكنه مره
يعني كله بالإكراه
وان مره حاول يقول آه
قبل ماينطقها يدهس
بأقدم مداس
مهي عكس عكاس
في ناس ياعيني الظلم
بقا منهجها وحياتها
لو متظلمتش
تدور على اللي يظلمها
ولو مالقيتهوش
تظلم هي روحها
وتسأل علي سيدها
ليه اتإخر عنها ومجاش
مهي عكس إعكاس
وفي ناس عايشه وما عيشاش
لاحسه باللي حواليها
ولا فارقاش
تسف تراب وتاكل حشاش
المهم انها مفكره انها عايشه
وهي في الحقيقه ميته
بس للأسف
ماحساش
انها عكس عكاس
