جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
أحمد حسنين
ليه الشعب المصري مش ملتزم بالحظر ،و بيتعامل معه بلامبالاه ولا اهميه ؟
لان الخوف من الجوع اقوى من الخوف من كورونا ، لأن الناس حاسه بالجوع قبل ما تحس بالمرض ، و لأن الناس اتعودت على المرض ما بقتش فارقه معها ، لان الفقر والجوع اقوي ، الناس مش حاسه ولا خايفه من كورونا ، بس لو الدوله عايزه الناس تلتزم عليها بالاتى :
طمنوهم إن عيالهم مش هيعيطوا من الجوع ، طمنوهم أنهم مش هيطردوا من الشقه علشان الايجار متاخر، طمنوهم انه مش هيتحبس عشان الاقساط المتاخره عليه ،لأن الحال واقف ،والبلد واقفه مفيش دخل للسداد ، طمنوهم ان مش هيتقطع عنهم الكهرباء والمياه والغازعشان مدفعش الفاتوره ، وبعد ما المواطن يطمن لكل ده هتلاقي شعب ملتزم و عنده وعي .
مصر ام الدنيا شعبها علم الدنيا كل شيء جميل ، علماء مصر علموا العالم علم الدنيا و ما يدخر للآخره ، اعظم علماء الدين من مصر ، افضل علماء الطب من مصر ، و لكن ما يحدث من فوضى بالمواصلات من زحام وفي المصالح الحكوميه وزحام بالبنوك وغيرها من الاماكن هو تحت مظله الحكمه الشهيره التي تقول المضطر يركب الصعب، الحياه في مصر ليست هي التي نراها بالتلفاز فقط ، بل هي حياه صعبه ، اعان الله الناس على معيشتهم.
