جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
مايسة إمام
واد ياعبدالودود
شوفت الولد حراجي القط
شفت ادهم في النار بيفط
شرجاوي وعمره مايعط
شوفت ولد خالتك يامنة
وهي جاعدة مطمنة آمنه
رمشها عمره ما يتلط
مش كنتم كتف في كتف
وهتافكم شج الصف
چوه الخندج تحت الأرض
وأنا جلبي عليكم بيرد
واد ياعبد الودود
شوف مكتوبه بريحه توبه
ديه معطر حنيه وود
بيجول چايلك مـ الفجرية
وچايب لك ويايا هدية
توب غالي ومعطر مسك
وچايب لك مـ الشمس خيوط
مجدولة ضفاير بشريط
وأنا عارفة دايما يصدج
عيني فوج السما رجماه
مادد يده ياخدني معاه
مين يجدر يمنعه ولا حد
واد ياعبد الودود
شماه چاي هناك من غادي
جلبي يدج عليه و ينادي
تجولوا لي خرفانة إياك
دا مجاش ولا عدى الناحية دي
ولا نادم ولا جال يااماي
كيف شايفاه بينا كدا عادي
أضحك …….وأجول والله
والله….. شمه ريحته هناك
سكت الكل
چاني الرد ياولدي خلاص
بس ماچاش كيف جول الناس
چاه كيف جولي واللي عابوا لي
نضري جالوا صدج الاحساس
جاني في توب مروي بدماه
وحفنة رمل في يده معاه
بسمة وچه ياناس زيناه
غدروا به ولاد الخناس
واد ياعبد الودود
نادم ع الرايح والچاي
ييچي يحني يده معاي
وهات لي توب أبيض م الغالي
وطرحه حرير من حر مالي
لچل اتزف ياولد معاه
اوعى تجول اني اتدبيت
عجلي راح واهو اي حديت
أنا لسه بعجلي يا مدبوب
أنا صبري بدرته في الغيط
بكره هيطرح تاني …….
حراجي القط
وولد يامنة وادهم
دا حداي صورهم محفورة
في جدار البيت
.
