جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم عاطف جمعة
طالت الغيبة
………..
الغيبة طالت يأمى وروحى راحت
ليكى ياما
***
مشتاق لدفا حضنك يأمى مشتاق
لبوسة وضمة
***
مشتاق لوجودك معانا مشتاق
العيلة واللمة
***
مشتاق لأكلك يامى دى اللقمة من
من بعدك سامة
***
مشتاق لوجودك معانا دالكل عانا
ف بعدك ياما
***
انتى الحنان وانتى الامان وانتى
الشفا لو جاتنى حمى
***
فين لما كنتى بتضربينى ولما
تشوفى دموع ف عينى
***
اصعب عليكى ياضى عينى وتيجى وتصالحينى يامـا
***
يأمى طال الغياب والعيشة
من بعدك عذاب
***
حاسس بوحدة وإكتئاب حتى
لو فى وسط لمة
***
فاكرة لما بكون جعان وانتى
لسة بتطبخى
***
وقولك ياما خلصى تقومى
فوشى تصرخى
***
بردو مكنتش اهون عليكى وتراضــينى ولــو بشــــمة
***
كنت وانا نايم بتغطى يالى
عطفك زاد وغطى
***
ولا حد من بعدك حنين لا
تقولى خالة ولا عمة
***
عندى كل الدنيا ف كفة
ومفيش عندى وزن وفا
الا كفتك انتى ياما
***
ياما القلب بيناديلك بيقول
يتجينى ياجيلك
***
يأحلى من كل جيلك صدق
وامانة ودين وذمة
***
يأمـٕى مهما وصفـت فيـكى
الوصف عمره ماهيوفيكى
***
د ميزة كل الدنيا فيكى ولا
زيــك فـى الدنـيا يامــا
***
الله يرحمك يأمى الف
رحمــة عليكى يامــا
