جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج ضوّي شموع
بليلة برد وشتي غيرصوت الرعد مش مسموع
لا نور قمر ليل حالك وغير البرق مش مقشوع
قلبي المشتقلك بجنون مسجون جوَّا الضلوع
أناجسمي غصن أرزة عثقل الثلج منها مقطوع
معدة فارغة ي محلا الموت بكورونا ولا الجوع
شعبنا بالإقتصاد نزول والإقطاعي بيطلع طلوع
ليخافوا الله بكل كنيسة وجامع يضووا شموع
جوع و فقر وسرقة وقتل وقول الحق ممنوع
كورونا إفلاس ومشروع للزعيم وكم مشروع
الإنسان العايش بغربة عالوطن ما يحب الرجوع
نحنا بوطن ما تهمنا كورونا والخوف نموت جوع
صرنا نخاف من قطّاع الطرق ع كل مفرق وكوع
بلدات بهالوطن عن بُعد أصوات أطفالها مسموع
بليلة ريح وشتي شجر سنديان من الأرض مقلوع
الشاعر سمير شيّا
