صرخة أم شهيد

خواطر أغاني الأسواني

الشريف_أحمدعبدالدايم

ﻗﻮﻟﻲ ﻳﺎ ﺍﺑﻨﻲ ﻣﺸﻔﺘﺶ ﺍﺑﻨﻲ
خرج صباح العيد وسابني
بعد موت ابوه ما هو سندي
ﻛﺎﻥ ﻻﺑﺲ ﺯﻳّﻚ .. ما هو جندي
.. .. ..
تعبت معاه لمّا خلّص علام
اتربى من حلال لا من حرام
يادوب مخلّص جامعة في الإعلام
لبس ملابس الجيش وقالي يامّا سلام
.. .. ..
اول مرة قلبي عليه يتخطف
كعكة واحدة وبسكوتة وكأنه اتخطف
يسرع في مشيته وقلبي معاه اتقطف
.. .. ..
ﻟﻮ ﺣﺪ ﺷﺎﻓﻪ ﻳﻘﻮﻟﻪ ﺍخوﻩ ﺟﺎﻟو
مع عمه ومعاه سلام من بنت خالو
خطيبتك بتسلم عليك والنقّاش خلّص دهان
وانا عزمت كل قرابيك والحبايب والخلّان
.. .. ..
ﺍﺑﻨﻚ ﻳﺎ أمي ﻋﻨﺪ ﺭﺑﻪ ﺷﻬﻴﺪ ﻳﺸﻔﻊ للأﻧﺎﻡ
ﻳاخذ باﻳﺪﻚ ﻳﻮﻡ ﺍﻟحساب ﻳﺤﻤﻴﻚ ﻳﻮﻡ ﺍﻟﺰﺣﺎﻡ
ﻭمعاه يوصلك ﺍﻟﺠﻨﻪ ﻭﻳﺮﻓﻌﻚ ﺍعلى ﻣﻘﺎﻡ
ويشفع لابوه وعمه وخاله من سبعين اعلى مقام
.. .. ..
ﺍﺍﺍﺍﻩ ﻳﺎ ظهري … ﺍﺍﺍﺍﻩ ﻳﺎ سندي
غدرﻙ ﺍﻟﻤﻮﺕ ﻭﺍﻧﺖ في ﻋﺰ ﺍﻟﺸﺒﺎﺏ
غدرﻙ ﻭﺳاﺒﻨﻲ انا ﺷﻌﺮﻱ ﺍﻟﻠﻲ ﺷﺎﺏ
ويا شباب عدّوا عمايمكم
عمّة كبيرة وناقصة بينكم
.. .. ..
وصّلوا صراخي لكل قوات الجيش
من الريّس لحد المشير والشاويش
ولدي ﺭﺍﺡ ﻋﻨﺪكم ﻭﻣﺠﺎﻟﻴﺶ
ﻛﺎنت دُخلته على بنت خاله ﻣﻔﻴﺶ
.. .. ..
احنا صعايدة ونعرف الحق وما نسيبوش
احنا ضحينا بالغالي .. وما بننساهوش
حقي انا وحق عيالي .. شوية قروش.؟ ما ينفعوش
.. .. ..
ﺍﺑﻨﻲ ﻣﺎﺕ ﻋﻠﺸﺎﻥ ﻭﻃﻦ ﻳﻌﻴﺶ
له عندكم ثار ولا راح دمه على مفيش
خلاص اخذت لقب ام الشهيد ؟؟
صرخة أم شهيد
الشريف_أحمدعبدالدايم