جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
===== صاحبي المسكين ====
أنا وصاحبي
ف قعده رواقه
قالي هشورك
ياعم حداقه
أصلي انا زهقان
وكمان مليت
خلاص معنتش
طايق البيت
اقولك سر ….
قولتله قول
أصل انا حبيت
قلت نهارك
زي الفل
عيش اللحظه
وانسى الكل
واطلع حبه
من الزهقان
قالي برضه
يافنان ….
بكلامك دا
عايز توقعني
و مين ينفعني
لما أكون
وحدي ف البيت
ويبقى يكون
فيه بركان
أصل أنا غلبان
قلت ياعم
روح ماتخفشي
وقلبي معاك
وتسقيفه كمان
قال واللهِ
انا خايف
المطبخ فيه
كتير سكاكين
ومين ينقذني
منها مين
قلت ياعم
تبقى شهيد
زي شهيد
الأرض والدين
قال معلشي
أنا غلطان
إن أنا شورتك
كانت شورتك
أصلها طين
قلت وكان
ليه م الأول
كنت اتحمل
يا مسكين
خليك عاقل
يا مجنون
قام من عندي
يجري بسرعة
وانا مش
عارف رايح فين
يمكن رايح
يشوف مأذون
بقلمي
صلاح شعبان الفيداوي
