أخبار عاجلة

( شرين )

بقلمي / محمد سليمان أبوسند

عدو ندل
خسيس
تقدر تقول جبان

برصاصة يقتل
كتير أطفال

شباب رجال

لكن النهاردة
زهرة وسط جناين فل
راحت شرين

وشرين قصة نضال عمرها
من عمر عمر الصورة

صورة المحتل

والصورة كانت خبر
صار الخبر انتي

نبكيك ولا الصورة
ياصورة مرار وأسي

الف رحمة
تنزل عليكي بنور

بصوتها نقلت معالم جرم

والكل شاف وسمع
فضايح غاصب
وطن محتل

في جنين وحيفا
وغزه والقدس

شهيد جريح تخريب

شرف الشهادة نالتة
والكل كان شاهد

ملايين شهود ومذابح
كل يوم بتمر
على أرض العفاف والطهر

وشرين مش هاتكون
أول وآخر صورة
في قصة صمود

وشرارة تحت رماد يوم
هاتحرق بيوت الكل

والكل نايم لية
لافف بغتره عنيه
سادد بقطنة ودانة ليه

يال كل صحصح
فوق
سوريا وعراق
وخد معاهم يمن

دي صنيه بتلف
ولازم يجيبك الدور

بقلمي / محمد سليمان أبوسند
استشهاد شرين ابوعاقلة صباح
الاربعاء ١١ مايو ٢٠٢٢

شاهد أيضاً

“جوه روحى”

“جوه روحى” بقلم/ سماح عبدالغنى جوه روحى ألف روح روح تروح ويا الحبايب اللى فاتو …