جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
شحال من واحد كايتسنى
( من زجليات فاطمة امزيل )
شحال من واحد وجّد العدّة وكايتسنى
كاتم الفرحة بين الدمعة والدمعة وكايتسنى
جامع ولادو يأمّلهم وحالّ بابو وكايتسنى
بايت ليلو يحلم وفقلبو عقدة وكايتسنى
معلق لقنب وحاط المجمر ولفاخر وكايتسنى
يطل من الشرجم ونهارو معتم وكايتسنى
الذابح ذبح والشاوي شوى وهو كايتسنى
يدق لباب يظنوا مول لخير
وكايتسنى
يتخبى من لحبيب والجار حشمان وكايتسنى
فين هاذوك ومالين لبواق اللي كايتسنى
واعدوه باللي كتاب وداروه فلحساب وكايتسنى
قالو يكون خير وماردو جواب وكايتسنى
ولادو يبكيو ومراتو تتنهد وهو كايتسنى
وداز النهار واش ماشي عار يخليوه يتسنى
لا من جاد ولا من وفى بكلمتو وهو يتسنى
كل الجيران شايفين ولا قلب حنين وكايتسنى
لا حباب لا صحاب لا من كانوا خوت وكايتسنى
تقطع ليه الصوت وبلفقصة كايموت وكايتسنى
مشات محنة الناس وبقى لغدر عساس آش يتسنى
حالو عالم به الله سد بابو وما بقى يتسنى
حرام حرام الخوت فين حق الموت اللي يتسنى
علاش مانقسمو لفرحة ونداويو قلوب كاتتسنى
فاطمة امزيل سفيرة المحبة
