جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
شباب اليوم ظالم أو مظلوم
الشــريف_أحمد؏الدايم
شباب اليوم بيتألم
من الدنيا والحاصل فيها
ساكت موش قادر يتكلم
دمـوع العيـون بيخفيـها
….
عمره بيعدي العشـرين
والثـلاثـون بيوفيـها
نفسـه ياخد ست الحلوين
تهنيـه ويهـنيهـا
….
نفسه يكمل نص الدين
والحياه يسـعد فيـها
بيحلم أنه بيدق الباب
والخطـابه تروح ليـها
….
يقابلوا أبـوها والعـم
وصفات العريس بيشكروا فيها
يقولـوا لـما نشــوف الأم
علشان الشورى بإديـها
….
تاجي الام تقول ومالو
إنشاالله يقسـم ليـها
لكن يا اخونا فهمني
شهاداته الحاصل عليها
….
ورصيـده كام والمـلاكي
عاوزين نعرف موديل ليها
ويـا هلـترى لـو وافقـنا
شروطنا هيقدر يوفيها
….
للبنـت فيـلا من بابها
ولا حد يخطب عليها
مهر وشبكة واوضة نوم
واغلى ملابس يكون ليها
….
وكمان أوضة صالون ومعاها سفرة
وموكيت من الغالي يحمي رجليها
ومفتاح عربية بشـنطتها
خصوصي لاخواتها وليها
….
لو كان يقـدر على كـده
يجي ويطـلب يديـها
أما لو كان فقير الحال
يشوف له حبايب غيريها
شباب اليوم ظالم أو مظلوم
