سعيد الأرتيست: لو نقيب الموسيقيين ممشيش عدل مش هنسكت

متابعة – ميادة ناصر

علق عازف الإيقاع سعيد الأرتيست على قرارات الفنان مصطفى كامل نقيب الموسيقيين بشأن مطربي المهرجانات بعد منع الغناء بالفلاشة و الاستعانة بفرقة موسيقية.

وقال “الأرتيست”: مصطفى كامل عمل قرارات كويسة وأنا طبعا مؤيده جدا في القرارات دي ولسه واحدة واحدة، و إن شاء الله بإذن الله خير وثقتنا في مصطفى كامل إن شاء الله ربنا يجعله كويس أنا حتى قلت له في مؤتمر، لو مصطفى كامل ممشيش عدل هو أو غيره احنا مش هنسكت على أي حد بعد كدة والحمد لله هو القرارات اللي خدها أن يكون مع كل مطرب مهرجان 9 أعضاء عاملين”.

وأضاف سعيد الأرتيست: “ده قرار كويس ومهم عشان الناس الغلابة تشتغل ميبقاش عضو عامل وقاعد مبيشتغلش ومش عارف ياخد حق ولا باطل فـ أحنا بنأيده في قراراته أنه يشغل كل الناس وإن شاء الله مصطفي كامل يبقي كويس وأدينا بنجرب وإن شاء الله خير”.

سعيد الأرتيست وحسن شاكوش
وكان عازف الإيقاع سعيد الأرتيست علق على أزمته السابقة مع مؤدي المهرجانات حسن شاكوش التي نشبت بينهما أثناء تولي الفنان هاني شاكر نقابة الموسيقيين.

وقال سعيد الأرتيست : أنا خلاص تعبت من موضوع حسن شاكوش وخلاص يعني هو الراجل اعتذر أكتر من مرة ومشكلتي كانت مع فرد واحد في النقابة اللي هو عمله الكارنيه، وكنت بسأل مين عمله الكارنيه هو الموضوع يعني بالنسبة لي خلاص وبصراحة ربنا مصطفى كامل شغال من نار وعمل قرارات كويسة.

و أضاف “سعيد” قائلا: “هو خلاص أنا مشكلتي مع شاكوش كانت من زمان يعني أنا بس كنت عايز أعرف مين أعطى له الكارنيه والأعضاء ما كانوش موجدين في المجلس وهاني شاكر كان مسافر برا مضيفًا: “طب مين أعطى له الكارنيه؟؟!” وطبعا كل الناس شافت اللي حصل في المؤتمر لما هاني شاكر قالي “دورها أنت”.