جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ساعات
كلمات حموده دهمان
ساعات
أفكارنا بتخونا
وترمينا على اللي خان
لحد متتكسر قلوبنا
ويبكي الحنين داخل الشريان
وقتها نفوق ونتدم
ونقول ياريت اللي جرى
مكان
ساعات
ساعات الجرح بيريح
ودموعنا بتغسل عيونا
من الأوهام
وبعد الصدمه بنفوق وبنفرح
وتغمض من بعدها رموشنا
ونقدر نرتاح وننام
ساعات
ساعات نلوم على المكتوب
علشان بعدنا عن أحلامنا
ونفضل نعاتب في الايام
أتاري اللي جرى محسوب
علشان نقدر نكمل مشوارنا
ونوصل لبر الأمان
ساعات
ساعات بنحب اللي يكرهنا
واحنا فاكرين انه
دوانا من والآلام
وساعات بنكره اللي حببنا
واحنا فاكرين انه
عدونا من سالف الزمان
ساعات
ساعات مبنعرفشي قيمة الغالي
إلا بعد فقدانه
يعني بعد فوات الأوان
ونتمسك بالرخيص الواطي
لحد ما في الشده نحتاجه
نلاقي وشه اتبدل ألوان
ساعات
