جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
قصيدة بالمحكية اللبنانية
سألتو شو شفت بعيوني
قلّها :
شفتْ فيهم
صحرا مرسومة عباية
مطرّزة بغزلان
واحات خضرا
مشنشلي بكواز الرمان
شفت فيهم قهوة بدو
مفسرة بفنجان
وعاروس حنو كفوفها بحلب
جايبينّها لعمّان
شفت فيهم
غسق مرمي
ورا الكثبان
والبحر صبغة يود
ملوني بمرجان
شفت فيهم اصيلة
واقفة بالمعركة تناشد الفرسان
وتغفى على حفة عيونك
تنام بأمان
شفت فيهم
الشمس هاربة من لون السما
وحارس كحلتها بالليل هربان
شفت فيهم شلة قمار خلقت بتشربن
وجايي لعندي بنيسان
بقلم مرهج نجم
