زعلان

محمد تريكة تريكة

زعلان انا زعلان
من الفجر من العدوان
ده اكيد صهيونى جبان
قتل برئ انسان ……….
قتلوا رصاص الغدر
وده طبعهم يابا
والطلقه جت من خايف
متصبش الا غلابه ……………
طب ليه الخاين بيعيش
واللى بيبيع بمفيش
واللى يوصل اخبار
ماهو اصله من الجواسيس …………..
مين اللى خان الوطن
ومين باع القضيه
وده من قديم الزمن
عايشين فى تمثيليه ………………….
احداثها غدر وموت
والدم فى كل مكان
والعربى من غير صوت
علشان اصله جبان …………………….
العربى باعها زمان
عشان المال والكرسى
والحال فى خبر كان
واهى دنيا بتنسى ……………………….
ياعربى فوق من الوهم
وكفايه بقى واتلم
عرضك بقى منداس
ماتخلى عندك دم ……………………..
كل العرب نايمين
يصحوا عشان ياكلوا
وبقينا منقسمين
والكل نسى شكلوا ……………………
فتح ولا حماس
تايهين فى وسط الناس
واللى يموت بالغدر
تبكى عليه الناس ……………………
عمر البكى مايفيد
والحق ضايع فيها
طول مانت عنها بعيد
ارضك دى ناسيها ً………………….
شيرين والدرة وغيرهم
وياسين كان هو كبيرهم
اطفال رجاله شباب
بيموتوا علشان غيرهم ………………..
بيموتوا عشان احرار
مايخافوا رصاص ولا نار
والعربى ده بيتفرج
وهمه ندى قرار ………………………….
يا كل عربى جبان
مين اللى باع وخان
مين اللى باع الاقصى
ودمر فى يوم لبنان ………………………..
ومين قسم السودان
ومين باع الجولان
مين سرق العراق
ومين قتل صدام ………………………….
انا عربى بس اصيل
دايما لاصلى بميل
ازعل على اللى منى
والحق عارفه كتير …………………………
وبقولها باعلى الصوت
عمر مافى حق هايرجع
والعربى هس سكوت
والدنيا بحالها بتسمع ………………………….
احنا فالحين فى البكى
ننضرب ونشتكى
ونعمل فى اجتماعات
بنحب فيها الحكى ………………………….
الحق اللى راح بالغصب
يرجع كمان بالغصب
لكن تنخ تتطاطى
يبقى نمشيها بالحب ………………………..
مصالحنا مع الاعداء
عاملينها بقى الامراء
وبلاد عايشاها بالكدب
وتلاقى اصلها صحراء جرداء ………………….
الحل فى كلمتين
يانعيش عشان الحق
وندافع يوم عنه
يانموت مقتولين ………………………..

العربى مالوش لازمه
لو يوم خرج من الحزمه
لما يبعد عن اخوه
يستاهل ضرب الجزمه …………………….

ياعربى لم الشمل
خليك مع اخواتك
خليكوا ايد فى ايد
تقدر على اعدائك ……………………..

عدونا واحد
واحنا بعيد عن بعض
يلا ايديك فى ايديا
نرجع فى يوم الارض ……………………

رحم الله كل انسان قتل بغير حق

والله انا زعلان

تحياتى محمد تريكة تريكة