جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ذكور مالهاش عازة
بقلم الشاعر فهمى محمود حجازى
حماده تتح ياقهوه سادة
عيل مهيس شارب إزازة
فاكر ها سايبة وواخد أجازة
من الرجولة ومالهش عازه
وهو سيس وف النداله
واخد إجازة
وكلامه ناعم ومنسون
وف ايده لابس حظاظه
يقعد ع القهوة ويتكلم
عن عرض وشرف الأستاذة
وهو لشطانه مسلم عمال يلك
ويتكلم وهو مدبوح بإزازة
وتشوف له عمايل
بتمايل فشر الرقاصة الهزازه
وممكن يتبلى عليك ويشتم
وضميره مطول في أجازة
مكتوب في بطاقته رجل رسمي
مع إنه رجولته واخده أجازة
الحلو ه الطعمه حبيب مامته
عمال بيتكلم بفظاظه
مش عارف إن النبي حارسه
عايش في الدنيا مالوش عازة
وان شال الحمل لازم مامته
تديه الرضعة ف بزازة
فين الرجالة اللي تحارب
وتدافع عنا ٠ قالوا في أجازة
مش كل ذكور عايشين
بنا ممكن يبقالهم يوم عازه
بقلم الشاعر فهمى محمود حجازى
