دي حلاوة روح

دي حلاوة روح
خواطر أغاني الأسواني
الشريف_أحمدعبدالدايم

دي حلاوة روح
دايماّ اتظاهر بالقوّة
بس انا مجروح
ببكي وبتقطّع من جوّة
واصرخ و أنوح
…*…
أنا ياما للناس شلت هموم
ومحدش شال ليّا هموم
ولا حدش شال همي في يوم
تلقاني اوقع وأقوم
زي طير مذبوح
*….**….**….**….*
تشوفني تقول مسطول
كل يوم سهران في وادي
واللي يشوفني يقول
شكله مرتاح وباله فاضي
…*…
انا موش دايماّ بظهر ع الشاشة
ومليش في الضحكة الغشـاشة
وبعامل الناس ببشـاشة
وبوجه صبوح
*….**….**….**….*
ويا دموع العين
ما تريحيني انا شـوفته ضنين
وانا هشوفه فين
محبوبي غاب وهجرني بقاله سنين
…*…
شايفيني بصرخ وأتألم
قالوا لي لسـّة حتتعلّم
ما نعيني ابكي وأتألم
قالوا موش مسموح
دي حلاوة روح
الشريف_أحمدعبدالدايم